فى البداية يرحب موقع قبائل العرب بالربان عمر مختار الصميدة
أهلاً وسهلاً
- فى البداية يود الموقع بالتعرف بالسيرة الذاتية لحضرتك
بإختصار صعب , صعب تتحكى ، حضرتك ممكن تاخديها من صفحتنا الحزب أوالشخصية
ماذا عن طبيعة العلاقات العشائرية في مصر ؟
متطورة اكثر تطوراً من البلاد اللى حواليها ، البدوية فيها متطورة اكتر من اول الجانب الصحراوي والحياة فيه الى المدن .
ما دور القبيلة في حل النزاعات التي تحدث بين أبناء القبائل في مصر ؟
مازال حتى انهارده التحكيم العرفى له كيان وله ركنه الكبير ومساعدة القانون على الغاء الخلافات
هل تعدد القبائل بأيدولجياتها المختلفة يشكل خطراً علي مصر من وجهة نظر حضرتك ؟
إذا كان الحكم طائفى أو قبلى انما مصر دولة مدنية حديثة زى مااحنا بنسعى اليها سعى كامل ، الحكم حكم القانون والحياة بتتطور بشكل مضطرد فبالتالى طبيعى بتتطور فكل الايدولوجيات بتعيش تحت ظل القانون مش كل ايدلوجية بتطبق القانون وده اللى بنسعى اليه فى دولة مدنية حديثة ، لوكل ايديولجية عايز تعمل قانون هتبقى فوضى
ما هي أهم المشاكل التي تواجه العشائر والقبائل المصرية ؟
المشاكل الطبيعية زى أى مواطن ماالقبائل هى ايه مواطن مصرى عليه ماعليه و له ما له من الدولة من خدمات فإذا الدولة وصلت الى خدمات هتبقى حلت مشاكله فمشكلته زى أى مشكلة مواطن مصرى موجود سواء كان فى المرافق أو المعيشة أو فى الصحة أو فى التعليم والدولة الحديثة اللى احنا ماشيين فيها اعتقد انها بتتطور بسرعة وانشاء يبقى فيه عائد للناس ديه فى خلال كام سنة انشاء الله
مادور القبائل في الحفاظ علي وحدة الأراضي المصرية ؟
عارفين ان القبائل مرتبطة بالأراضى المصرية ومن زمان اوى من قبل الدول ماتبقى دولة محمد على أسس الدولة الحديثة من قبلها كانت نطاقات فيها قبائل فلانية وقبيلة فلانية وكانت العملية كلها ان الحدود ان لا يسمح بدخول احد باتفقاق مابين القبائل وبين والى المكان أو ملك أو الحكومة أو الدولة فالطبيعة القبائل كانت تتفق مع الحكومات على حراسة هذه الحدود اتغيرت الأمور ديه لأن الدولة بقى لها جيش نظامى له اتفاقيات وفضلت بالكلام ده لغاية مابقينا دولة ، وجوده على الحدود لازم يتعاون بشكل أمنى مع الأمن لأن الجزء الأمنى مهم فى حياتهم كوجوده فى الصحراء فلازم يكون ارتباطهم بالأمن ارتباط وثيق
هل يوجد لوبي للقبائل في البرلمان المصري؟ وماهي قوة هذا التنظيم ؟
مش بالمعنى موجود عدد من القبائل يتعدى 200 يمكن دلوقتى ، إنما زى ماقولت لحضرتك ان التعصب مش موجود وبالتالى أغلبيتهم بيحاول يبقى مع القانون والعقل فى التنفيذ وفى كل حاجة مش معنى ان فيه حاجة وحشه وكله عايز يعملها فكله هيصدق معاه على قبائلى لا على انه مصرى نمرة واحد وطني وجزء من إدارة هذه الدولة والمسئولية اللى بتبقى على عاتقه ممكن يبقى فيه لوبى فى موضوعات تنفع الدولة
القبائل والعشائر جزء من الجسم العربي، يقوى بقوته ويضعف بضعف الدولة، هل هناك مشاريع تنموية لرد الروح للطيف القبلي ؟
يعنى ممكن نقول عليه تراث ممكن نقول سياحة ممكن نقول عادات تفضل موجودة للمجتمع انما منظومة الدولة على الجميع
هل يوجد بحوث علمية تدرس هذه الشريحة من حيث إيجابياتها وسلبياتها ؟
اعتقد اه اعتقد الشئون الإجتماعية واحنا كمجلس قومي لإجتماع القبائل العربية 6.45هدفنا فى الفترة اللى جاية هو ده احنا بندرس مش هدفنا التعصب هدفنا تنمية و الوقوف إلى جانب الدولة فى التوقيت الصعب زى أى شريحة بنحاول ان نكون مندمجين اندماج كامل والبعض اللى مش مندمج خارج الحدود خارج المدن بنحاول ان احنا نبقى مرتبطين بيه ويرتبط بالدولة ونزود انتماؤه وهكذا
هل هناك تفعيل للقبائل فى سلطات الدولة الثلاث التشريعية و التنفيذية والقضائية ؟
هو فيه عدد كبير ضخم من القبائل موجود فى الجهات اللى حضرتك ذكرتيها ، عدد كبير جداً قضاة ومحامين وأطباء ونواب فى التشريعية وهكذا اه طبعا زيه زي أي مواطن مصرى
هل ترى فى القبائل المصرية قوة سياسية ؟ ماهى السلبيات والإيجايبات لذلك ؟
زى ماقولت لحضرتك الهدف من المجلس القومى للقبائل العربية هو هدف تنموى وثقافى مش المفروض انه هو هدف سياسى وإذا كان فيه هدف سياسى فهو فى اطار الهدف العام للدولة اللى هو مصر عايزة تبقى ايه احنا مع هذا هوهدفه زيادة التنمية وزيادة الاتماء والوصول بالخدمات للناس ديه فى الأماكن اللى هى محتاجة ميبقاش فى عوز وديه كلمة الرئيس وبالتالى مش ممكن ان إحنا بننفصل ونعمل نفسنا كونتونات الكونتونات عايشة وسط دولة مينفعش خالص إحنا تحت طائل القانون العام القبائل إحنا كجمعية ومجلس يعمل تنمية بيساعد الدولة على تنمية هذه الشريحة وده مهم جداً
ماهي التحديات التي تواجه القبائل في مصر ؟
لا يوجد تحديات ، التحدى المصرى الطبيعى ، تحديات المواطن بالنسبة للخارج او بالنسبة للحياة اليومية ، زيه زى اى مواطن مصرى
ما رأيكم في تشكيل حزب سياسي مختص بالقبائل والعشائر؟ذات الخصوصية لتفعيل الطاقات الكامنة فيها للتتمكن الدولة من الإستفادة منهم!
مينفعش ، ولا يجوز ولا دستورى حتى ، قائم على طائفة أو دين ،الحزب لو قواعد تطبيق الدستور فيه ،مفيش حزب يقام على أساس طائفى .
الصراع داخل البيت العربي بما يخص العشائر؟
فى الوطن العربى هى قوة ناعمة ، يعنى إحنا علاقتنا بالقبائل بتاعتنا فى ليبيا موجودة لما بيجوا بيزورونا فاحنا بنساعد الدولة على حسن الجوار والعلاقات بين الدول وبعضها لما يكون قبائل لها فروع واصل فى ليبيا او فى المغرب أو فى السعودية أو فى الوطن العربى ويبقى فى اتصال مابينهم فى المصالح العامة ديه بتزود الروابط وبتساعد الدول ديه قوة ناعمة وبتساعد الدول على الأرتباط اكتر
كيفية إدارة شؤون القبائل في الظروف الراهنة ؟
ظرف زى أى ظرف مش شايف ادارة شئون القبائل فى الظرف الراهن
نقصد من تفكك وإرهاب الموجود ؟
عليه ماعليه يعنى القبائل فيها إرهاب لا بالعكس فيها إرهاب ، المناطق النائية بيلاقى ناس تدخل تغرد بالشباب احنا دورنا دور الثقافى وزيادة الانتماء لان احنا نخش ونمنع الكلام ده بالثقافة التانية وزيادة انتماؤه بالتنمية الاقتصادية وهو ده اساس المجلس واساس جمعية القبائل
كيف يمكن للقبائل و العشائر العربية من الاستفادة من التجربة المصرية ؟ الثورة ومامرت بها من مراحل
احنا كمجلس مبنخروجش بره نطاق الدولة الا إذا كانت بترتيبات من الدولة وزى ماقولت أن القوة الناعمة لما بتخرج لما بنيجى التاريخ فيه حاجات كتيرة جداً ، السؤال اصله اتسال قبل كده ، ارتباطنا كقوة ناعمة بالدول التانية هو ارتباط اجتماعى وقوة ناعمة تساعد الدول على التقارب مع بعض انما غير كده لا ، ونص مصر 2مليون بيشتغلوا فى السعودية ممكن يكون منهم من القبائل احنا بيزورنا قبائل ليبيا اللى هى نفس القبائل بتاعتنا لما كان فيه ليبيا زمان كنا بنروح لهم ولينا جذور موجودة فى تونس والمغرب و فى الأصل خالص فى نجد والسعودية انما كده احنا بنرجع للعالم كله ابتدى ايه وانتشر
هل يوجد تصور بين شيوخ وعواقل القبائل وأبنائها لعمل كيان سياسى موحد، يضم قبائل مصر أو قبائل بلاد الشام أو ليشمل القبائل العربية؟
لا مينفعش حزب انما كيان اجتماعى ماشى .
ما هو موقف القبيلة وباقى القبائل من المنظمات المتشددة ؟ وكيف يمكن حماية أبنائنا من هذه المنظمات؟
الثقافة والتثقيف وزيادة الإنتماء وزيادة الانتاج وتنمية االإقتصادية وهكذا
ماهى تصورات المستقبل لأبناء القبائل العربية ؟
انه يبقى انسان منخرط فى الحياة الاجتماعية ، مواطن صالح ، يؤدى ماعليه كمصرى ده دور المجتمعات والمؤسسات الأهلية اللى زينا بجانب دور الدولة اللى هى المدارس والتثقيف وكده
موقف القبائل من عملية تقسيم أوطانهم؟
مرفوض طبعاً لانه يعتبر تعصب
ما هي الإقتراحات لإنقاذ الأوطان فى الوضع الراهن والمستقبل ؟
مش عارف ، تضامن الدول مع بعض ضد الإرهاب وضد الآخطار اللى بتيجى ناحية الدول أين كان من الإرهاب أو مشروعات تقسيم أو تستهدف الوطن العربى وتأخد ثرواته التقار ببين الدول العربية مع بعض سواء كانت حكومات أو منظمات أهلية هو ده اللى هيمنع حل مشاكل الدول العربية
القوانين العشائرية والطائفية؟
لا القوانين ديه مقدرش اذكرها لأنها متوارثة فى التحكيم وأنا مش مُحكم يعنى نظم التحكيم زى حساب الخطأ ديه موضوع كبير المحكمين مش أى حد يبقى محكم او لجنة مصالحات ازاى تشتغل وازاى تصالح بين الناس فى جرايم كبيرة أو جرايم صغيرة بس ده مش خراج نطاق الدولة القانون فى النهاية هو اللى بيبقى سايد
موقف العشائرية من الديمقراطية؟
كل ماروحنا للعشائرية مش هيبقى فيها ديموقراطية أنما بتبقى بالاختيار اللى بيوازى هى نظم بتختلف شوية عن استيراد الديموقراطية اللى بنستوردها من بره التعددية مفيش الموضوع ده وبالتالى إحنا بنطور هذه العشائرية علشان تبقى دولة مدنية وبتفضل العشائرية بالطباع اللى كويسة اللى فيها عملية راسخة جوه لأصحابها فى التعامل مع بعض فى الشكل ده والحاجت اللى احنا شايفينها لا تناسب الزمن بتنقرض
إشكالية المفارقة بين الإنتماء العشائري والإنتماء الوطني؟
يعنى انتى عندك عيلتك وعندك بلدك هتعملى ايه هتنتمى لبلدك ولعيلتك
موقف العشائر من الأحزاب السياسية؟
أحزاب ايه أنا رئيس حزب ، ومش عشائرى أصل عشائر حاجة منفصلة متطلكش فى مصر إنما تطلق أصول قبلية إنما عشائر معناها تبقى هنا وهنا لكن مصر كلها مختلطة تلاقى قبائل فى حلايب وشلاتين وقبائل فى وسط مصر و فى السلوم وعلى أطرافها مصر مليانة عدد كبير
ما رأيكم بمجلس قبيلة النعيم في سورية وبلاد الشام؟
لا غير متابع ، سمعت بس غير متابع
- فى النهاية يشكر موقع قبائل العرب الربان عمر مختار صميدة
- أهلاً وسهلاً شرفتوا